Back

މާދަމާވެސް ލޯމަރާލަން ޖެހިދާނެއެވެ

2021-03-21 . Written by abdulla nasheed

އެންމެ ދުރުގާވެސް އެންމެ ކާރީގަވެސްވަނީ މަރެވެ. މިއީ އަބަދުވެސް އެނގޭ ކަމެކެވެ. ނަމަވެސް ގިނަބަޔެއްގެ ހިތުގާ މިބަސްކޮޅު އޮންނަނީ ހިނދުކޮޅަކުއޭ ބުންޏަކަސް ގޯހަކަށްނުވާނެއެވެ.

ސާއިރާއަކީ އުމުރުން ސަތާރަ އަހަރުގެ ކުއްޖެކެވެ. އޭނާއަކީ އޭނާގެ އާއިލާގެ އެންމެ ހަގުކުއްޖާއެވެ. އޭނާގެ ބޮޑަށް ހުންނަ އޭނާގެ ދައްތަ ކަމުގާވާ ސާދާގެ އުމުރަކީ ނަވާރަ އަހަރެވެ. މި ދެކުދިންނަކީވެސް މާލެ ކިޔަވަން އައިސް އުޅޭ ދެކުދިންނެވެ. ތިބެނީ މާމަ ކާރި ކަމުން އެކުދިން ބޭނުން ގޮތަކަށް އުޅެވެއެވެ. ސާދާއަކީ ފޯނަށް ދެވި ހިފާފަހުންނަ ކުއްޖެކެވެ. ހުރިހާ މީސްމީޑިޔާއެއްގާ މަޝްހޫރުކަން ހޯދަމުން އަންނަ ކުއްޖެކެވެ. އެހާމެ ކާމިޔާބެވެ. ފިރިހެނުން ގަޔާވާފަދަ ސިފަތައް ލިބިފާ އޭނާއަށްހުރެއެވެ. ސާއިރާ އޭގެ އިދިކޮޅެވެ. ވަރަށްވެސް ބަސްމަދުވެފާ ފޯނާ އެހާ ގަޔާނުވެއެވެ. އޭނާގެ އަޒުމަކަށްވަނީ މޮޅު ގުރުއާން ޓީޗަރަކަށްވުމެވެ. ފަސްވަގުތު ބަރާބަރަށް ނަމާދަށްއަރައެވެ. ކީރިތި ގުރުއާންއަކީ އޭނާގެ ގާތް އެކުވެރިޔާއެވެ. ކޮންމެ ނަމާދަކަށްފަހުވެސް ގުރުއާން ކިޔަވާނުލާ ހިތްހަމަނުޖެހެވެ. މިކަމާ ސާދާ ބައެއްފަހަރު ވަރަށް މަލާމާތްވެސް ސާއިރާއަށް ކުރެއެވެ. އަދި މުސްތަގްބަލްގާ މޫނު ބުރުގާއަޅާ ތުނބުޅި ދިގުކޮއްފާ ހުންނާ މީހަކާ އިންނާނޭކިޔާން އަބަދުވެސް ދިމާކުރެއެވެ. ނަމަވެސް ސާއިރާ އަބަދުވެސް އޭނާގެ ދައްތައަށް ހެޔޮވިސްނުންދިނުމަށް އެދި ކޮންމެ ނަމާދެއްގާވެސް ދުއާކުރެއެވެ.

ދުވަސްތައް ފާއިތުވެގެންގޮސް ސާދާ ވަރަށް ގިނައިން ބޭރަށްދާން ފައްޓާފިޔެވެ. ދަނީވެސް ފާޑަކަށް ހުންނަ ފިރިހެންކުއްޖަކާއެކުއެވެ. ހުންނަނީ މޫނާ ކަންފަތާ ތަންތަން ތޮރުފާފައެވެ. ބޭރަށް ދާ ސާދާ ގެޔަށް އަންނަނީވެސް މެންދަމު ބާރަޖެހުމުންނެވެ. މިކަމާ މާމަ ވަރަށް ޝަކުވާވެސްކުރެއެވެ. ނަމަވެސް ސާދާ އެކަމާދެނީ ބީރުކަންފަތެވެ. ގެޔަށް އަންނަ ސާދާ ކޮންމެ ފަހަރަކުވެސް ކޮޓަރިޔަށް ދަންވަރު ވަންނައިރު ކޮއްކޮ ހުންނަނީ ނަމާދަށްށެވެ. ނަމަވެސް އެކަމުން އޭނާއަށް އެއްވެސް އަސަރެއްވެސްކޮށްނުލައެވެ. އަރާ ގޮތައް އޮށޮންނަނީ ނިދާށެވެ.

އެއްދުވަހަކު ވަރަށް މުހިންމު އެއްޗެއްހިތަކެއް ޕްރިންޓްކުރަން ޖެހިގެން ސާއިރާ މާމަގެ ހުއްދަ ހޯދާގެން ޕްރިންޓްކުރާ ތަނަކަށްދިޔައެވެ. ބޭނުންވާ ތަކެތި ޕްރިންޓްކޮށްގެން ދިޔަ މަގުމަތީ ސާދާ ފިހާރައެއްކައިރީ ހުއްޓާ ފެނުނެވެ. ފިހާރަ ކައިރީ ހުރި ބިދޭސީން ދިރިއުޅޭ ގެޔެއްގެ ދޮރުމަތީ ބިދޭސީއަކާ ވާހަކަދައްކަން ސާދާއާއެކު އުޅޭ ފިރިހެންކުއްޖާ ހުރިތަންފެނުނެވެ. އެސޮރު ބިދޭސީ މީހާ ޖީބަށް ފައްސަތޭކަ ރުފިޔާލީތަން ސާއިރާއަށްފެނުނެވެ. އަދި ސާދާ ކައިރި އެގެޔަށް އައުމަށް އިޝާރާތް އެސޮރުކުރިޔެވެ. ސާދާ އައުމުން އަތުގަ ހިފާގެން އެގެޔަށްވަނެވެ. މި މަންޒަރުފެނިފާ ސާއިރާ ހިތުގާޖެހުނެވެ. ލޯބިވާ ދައްތަގެ އުޅުން މުޑުދާރުކަމުންނެވެ.

ބަރާބަރު ގަޑިން ބާރަޖެހިތަނުން ސާދާ ގެޔަށް އަތުވެއްޖެއެވެ. އައިސް ކޮޓަރިޔަށް ވަތްތަނުން މިފަހަރު ސާއިރާ ހުރީ ނަމާދަށްނޫންކަމުން ވަރަށްވެސް ހައިރާންވިޔެވެ.

ސާދާ : މިރޭ ނަމާދުނުކުރާ ރެޔެއްތަ؟

ސާއިރާ : އަހަރެން އެބޮތް ވާހަކައެއް ދައްކާލަން

ސާދާ : (އެނދުގާ އޮށޯންނަމުން) ހަމަ ދައްކަންވީ

ސާއިރާ : ކޮން އިރަކުން ތި އުޅުން އިސްލާހުވާނީ

ސާދާ : މަ ހިތަށް އެރީމަ އެނގިއްޖެ

ސާއިރާ : އަހަރެންނަށް މިއަދުވެސް ފެނުން ކަލޭ ގޮސް ބިދޭސީން ދިރިއުޅޭ ގެޔަކަށް ވަންނަނިކޮށް

ސާދާ : އެއީ ކަލެޔާ ބެހޭކަމެއްނޫން

ސާއިރާ : މަށާ ނުބެހި ދެން ކާކުއާ ބެހެވޭނީ ތިއީ މަގޭ އެއްބަނޑު އެއްބަފާ ދައްތަ. އަހަރުމެން މިތަނަށްއައީ މައިންބަފައިން ދޫކޮށްފަ ވަކި ކަމަކު. ތިއުޅުން ހުއްޓާލާފަ އިސްލާހުވެބަލަ ކިހިނެއް އެނގޭނީ މާދަމާވެސް ލޯމަރާލަން ޖެހިދާނެކަމެއް

ސާދާ : މާ ގިނަ ވާހަކަ ނުދައްކާ ނިދަންއުޅޭ އޭރުން ހުވަފެނުގާ ކަލޭގެ ތުނބުޅިލީ ޕްރިންސް ފެނިދާނެ.

ސާއިރާ : (ރުޅި އައިސްގެން ފުންމާގެން ތެދުވެފާ) ހަބަރުދާރު މަގޭ ލޯބިވާ ރަސޫލާގެ ސުންނަތައް މަލާމަތްނުކުރައްޗޭ

ސާދާ : އަހަރެން މަލާމާތްކޮށްފިންތަ؟

ސާއިރާ : ނޫނޭ ކަލޭ ހިތުން ކަލޭ ނުކުރޭ. ކަލޭ ކޯންޗެއް ކިޔަވާންތިހުރީ. ރަސޫލާގެ ސުންނަތައް ތަބާވާ މީހުންނަށް ކަލޭ ކަހަލަ މީހުން މަލާމާތްތިކުރަނީ އެއީ މާ މޮޅުކަމެއްކަމަށްތަ. މަ ލައްކަ ދުވަހު ކެތްކޮށްފިން އެކަމު މަ މިބުނަންވާ އެއްޗެއްބުނީ. ދެން އަހަރެން ކަލޭ ތިއުޅޭ ގޮތްތަކުގެ ވާހަކަ ގެންދާނީ މައިންބަފައިންނާ ހަމަޔަށް

ސާއިރާ ރުޅި ކޮންޓްރޯލްކޮށް ނިދަން އޮށޯތެވެ. ނަމަވެސް ސާދާ ނިދާކަށް ހިޔާލްވެސްނުކުރެއެވެ. އޭނާ ދިޔައީ ޓިކްޓޮކް ވީޑިޔޯ ހަދަމުންނެވެ. މިހެން އޮއްވާ ދަންވަރު ތިނެއްޖަހާފިޔެވެ. ކުއްލިޔަކަށް ސާދާ ނޭވާހާސްވާން ފައްޓާފިޔެވެ. ހީވަނީ މީހަކު އޭނާ ކަރަށް ފިއްތާލާންހުރިހެންނެވެ. ދެއަތް ހަލުވަމުން އަތުގާ އޮތް ފޯނު ސާރިރާ އޮތް އެނދުބުޑަށް ހޫރުވާލުމާއެކު ސާއިރާއަށް ހޭލެވުނެވެ. އެއިރު އޭނާގެ ދައްތަ އެނދުގާ އޮވެ ތެޅިފޮޅެނީއެވެ. ސާއިރާ އައިސް ސާދާ ކައިރިއަށް ހުއްޓުނުއިރު ސާދާގެ މޫނުގެ ކުލަވަނީ ނޫއަރަންފަށާފައެވެ. މިއީ ވަރަށްބޮޑު ގޯހެއްކަން އެނގި ދައްތަ ކައިރީ ޝަހާދަތްކިޔަން އާދޭސްކުރީ ކަރުނައަޅަމުންނެވެ. އިރުކޮޅަކުން މާމަވެސް އަތުވެއްޖެއެވެ. އެންބިޔުލާންސްއަށް ގުޅުމަށްފަހު މާމަވެސް ސާދާގާތު ޝަހާދަތްކިޔުމަށް އާދޭސްކުރިޔެވެ. ނަމަވެސް އެ ލުއި ކަލިމަކޮޅު ކިޔާލުމަށް ސާދާގެ ދޫ ގުޑާވެސްނުލިޔެވެ. އެންމެ ފަހަށް އަނގައިން ލޭނުކުންނަން ފައްޓާފިޔެވެ. މޭމަތިން ބާރު އަޑެއްވެސް ގޮވާފިޔެވެ. ދެން ފެނިގެންދިޔައީ ސާދާގެ ފުރާނަ ހަށިގަނޑާ ވަކިވެގެންދިޔަތަނެވެ. މި މަންޒަރުފެނިފާ ސާއިރާ ވަރަށް ބިރުގަތެވެ. އަދި ހިތާމަވެސްކުރިޔެވެ.

ސާދާގެ ކަށުކަމާކެމީގެ ކަންތައް ކުރިޔަށް ގެންދެވުނެވެ. މަންމަޔާ ބައްޕަވެސް ރަށުން އައިސްފިޔެވެ. ދަރިފުޅުގެ މޫނު އެންމެ ފަހު ފަހަރު ދެކިލުމަށްށެވެ. ކުއްލިޔަކަށް ހިނަވާ ގެއިން މީހުންތައް ހަޅޭއްލަވަން ފައްޓާފިޔެވެ. ބަޔެއްމީހުން އެތަނުން ނުކުމެގެން އެކި ކޮޅުކޮޅަށް ދުއްވާގަތެވެ. ވެގެން އުޅޭގޮތްބަލަން ސާއިރާ ވަތްއިރު އޭނާގެ ދައްތަގެ ބަނޑުވަނީ ފުއްޕާގެންގޮސް ފަޅާންގޮސްފައެވެ. އަދި މޫނު ކަޅުވެގެންގޮސްވަނީ އަނދިރިގަނޑަކަށްވެފައެވެ. މި މަންޒަރުފެނިފާ ސާއިރާ ވަރަށް ހިތްވަރުކުރިޔެވެ. އަދި ހިނަވާ މީހަކު ގެނެސް އަމިއްލަ ދެއަތުން ދައްތަ ހިނަވާހެދިޔެވެ. އެޔަށްފަހު މޫނު ދައްކަން ނެރުނެވެ. ނަމަވެސް އިރުކޮޅަކުން މުޅިތާ ދުވަންފެށި ކުނިވަހުން އަވަހަށް ސާދާގެ ހަށިގަނޑު ސަންދޯކަށްލެވުނެވެ. ކަށު ނަމާދަށް ގެންދެވުނެވެ. ކަށުނަމާދުކުރަންއުޅުނު ގިނަ މީހުންނަށްވެސް ދުވާ ކުނިވަހުން އެކަން ނުކުރެވި ސާދާގެ ސަންދޯކް ވަޅުލާންޖެހުނެވެ. ފެނިގެންދިޔައީ ހަމަ ސީދާ އިލާހީ ކޯފާކަން އެންމެނަށްވެސް އެނގިއްޖެއެވެ. ވަރަށް ގިނަ ބަޔަކު މިކަމުން ތަޖުރިބާލިބި ހެޔޮމަގަށް ރުޖޫއަވިޔެވެ.

- ނިމުނީ -